Aasaan Deen Part 115

✾✵✾

       *︽︿︽︿︽︿︽︿︽︿︽︿︽*

         *Bismillahirrahmanirrahim*

       *︾﹀︾﹀︾﹀︾﹀︾﹀︾﹀︾*

              *︵︷︵︷︵︷︵︷︵*

             *❀  Aasaan Deen  ❀*

              *︶︸︶︸︶︸︶︸︶*

                  *❥ Part - 115 ❥*

❂〰✸〰✸〰✸〰✸〰✸〰❂​​​​​​​​​​

*​​​​​(54)➾ Aurton ka libaas kaisa ho*

❧ Allah Ta'ala ne insaanon ko libaas jaisi azeem nemat ata farmaai hai, libaas ke zariye ham apna jism chhupaate hain, zeenat ikhtiyaar karte hain aur sardi wagaira se apni hifaazat karte hain. Islaam ke liye koi khaas qism, ya koi Khaas hayyat aur rang mutayyan nahin kiya hai, balke is ko insaanon ke mizaaj aur un ki pasand par chhod diya hai. Albatta libaas ke taalluq se mardon aur aurton ko chand baatein bataai hain aur kuchh hidaayaat di hain, yahaan aurton se taalluq rakhne waali baaton ka tazkira kiya jaaraha hai. 

❧ Islaam ne jis tarah deegar ahkaam mein aurton ki fitrat, un ki aadat wa khaslat, un ke jazbe aur un ke maqaam wa martabe ka poora lihaaz kiya hai, aur un par sirf wahi zimmedaari daali hai jo un ke mizaaj ke mawaafiq ho aur jis ko woh khoobi ke sath anjaam de sakti hon, isi tarah Islaam ne yahaan bhi un ki izzat wa sharaafat, sharm-o-haya aur un ki asmat-o-ifat ki hifaazat ka mukammal khayaal rakhne ke saath aisi baatein bataai hain ke jin ko apna kar aurtein shareef wa ba izzat ban kar paakeezah zindagi guzaar sakti hain aur muaashare mein achchhi seerat wa akhlaaq aur nek kirdaar ki maalik ban sakti hain aur Allah ke yahaan buland martabe haasil kar sakti hain.

 (..Next - 116, Soon In Sha Allah..)

   *✍🏻 Ref:* Deeniyat Course book

❂〰✸〰✸〰✸〰✸〰✸〰❂