Aasaan Deen Part, 118

✾✵✾

       *︽︿︽︿︽︿︽︿︽︿︽︿︽*
         *Bismillahirrahmanirrahim*
       *︾﹀︾﹀︾﹀︾﹀︾﹀︾﹀︾*
              *︵︷︵︷︵︷︵︷︵*
             *❀  Aasaan Deen  ❀*
              *︶︸︶︸︶︸︶︸︶*
                  *❥ Part - 118 ❥*
❂〰✸〰✸〰✸〰✸〰✸〰❂​​​​​​​​​​

*​​​​​(55)➾ Aurton ke liye baal katwaana*

❧ Aurton ke liye baal husn wa khoobsoorti ki alaamat hai, isi liye aam taur par aurtein lambe aur ghane baalon ko pasand karti hain, magar aaj ke daur mein baaz aurton ne baalon ko taraashwaana shuru kar diya hai, is ki mukhtalif shaklein banwaati hain, baaz peshaani se oopar ke baalon ko kaatti hain aur kuchh khwaateen mardon ki tarah chhota rakhne ki koshish karti hain, yeh sab Islaami tehzeeb wa akhlaaq ke munaafi hai aur gair Islaami tareeqa hai, isi liye shareef, nek, ba haya aur Deendaar khwaateen bhi is ko pasand nahin karti hain.

❧ Haqeeqat yeh hai ke is amal ki wajah se aurat mardon se mushabehat ikhtiyaar karne waali ban jaati hai aur yeh bahot hi khatarnaak aur halaakat wa tabaahi ka sabab hai, Huzoor ﷺ ne aisi aurton par laanat farmaai hai jo mardon ki mushaabehat ikhtiyaar karti hain. Neez is mein faasiq wa faajir logon ke saath tashabboh bhi paaya jaata hai, aur logon ki mushaabehat ikhtiyaar karne se bhi bachna zaroori hai. Is liye ke Rasoolullah ﷺ ne farmaaya: Jis ne jis qaum ke saath mushaabehat ikhtiyaar ki woh unheen mein se hai.

📓 [Abu Daawood: 4031]

(..Next - 119, Soon In Sha Allah..)

   *✍🏻 Ref:* Deeniyat Course book
❂〰✸〰✸〰✸〰✸〰✸〰❂