Aasaan Deen Part 23

✾✵✾

       *︽︿︽︿︽︿︽︿︽︿︽︿︽*
         *Bismillahirrahmanirrahim*
       *︾﹀︾﹀︾﹀︾﹀︾﹀︾﹀︾*
              *︵︷︵︷︵︷︵︷︵*
             *❀  Aasaan Deen  ❀*
              *︶︸︶︸︶︸︶︸︶*
                   *❥ Part - 23 ❥*
❂〰✸〰✸〰✸〰✸〰✸〰❂

*(9)➾ Har ek ko salaam karna*

❧ Ek musalmaan bhaai ki jab doosre musalmaan bhaai se mulaaqaat hoti hai, to woh salaam karte hain. Mulaaqaat ke waqt salaam karna, islaam ka bahot hi achchha tareeqa hai, is se behtar doosra koi tareeqa nahin hai. Is ki bahot saari fazeelatein aayi hain, salaam karne se aapsi muhabbat badhti hai aur doosron se badgumaani door hoti hai, khaas taur se salaam mein pahel karna bahot badi neki hai.

❧ Huzoor ﷺ ne farmaaya: *"Inna aulannaasi billaahi man bada-ahum bissalaami"*

*❧ Tarjama:* Logon mein Allah Ta'ala se sab se ziyaada qareeb woh shakhs hai jo logon ko salaam karne mein pahel kare.

📓 [Abu Dawood: 5197]

❧ Baaz log sirf apne jaanne pehchaanne waalon hi ko salaam karte hain, yeh sahi nahin hai, Islaam ki taaleem yeh hai ke har musalmaan bhaai ko salaam kiya jaaye, khwaah un ko pehle se pehchaante ho ya na pehchaante ho. Jab kisi tarah maaloom ho jaaye ke woh musalmaan hai to us ko salaam karna chaahiye, is mein bahot sawaab hai.

❧ Huzoor ﷺ se ek shakhs ne daryaaft kiya ke ya Rasoolallah! Kaon sa amal behter hai? Aap ﷺ ne farmaaya: Khaana khilaana aur salaam karna, chaahe tum use pehchaante ho ya na pehchaante ho.

📓 [Sahih Bukhaari: 12]

❧ Hamein bhi har ek ko salaam karna chaahiye, khwaah woh hamaare dost hon, ya rishtedaar, ya koi doosre musalmaan bhaai.

  (..Next - 24, Soon In Sha Allah..)

   *✍🏻 Ref:* Deeniyat Course book

     *Update App​​​​* goo.gl/SB46QM
  www.aasaandeen.blogspot.com
❂〰✸〰✸〰✸〰✸〰✸〰❂