Aasaan Deen Part 17

✾✵✾

       *︽︿︽︿︽︿︽︿︽︿︽︿︽*
         *Bismillahirrahmanirrahim*
       *︾﹀︾﹀︾﹀︾﹀︾﹀︾﹀︾*
              *︵︷︵︷︵︷︵︷︵*
             *❀  Aasaan Deen  ❀*
              *︶︸︶︸︶︸︶︸︶*
                   *❥ Part - 17 ❥*
❂〰✸〰✸〰✸〰✸〰✸〰❂

*​​​​​(6)➾ Islaam ki taaleem*

❧ Deen-e-Islaam bahot achchha mazhab hai, achchhi baatein sikhaata hai aur buri baaton se rokta hai, saare logon ki bhalaai aur kaamyaabi Islaam hi mein hai, Islaam sachcha mazhab hai, woh hamein sikhaata hai ke Allah ek hai, woh paak aur be aib hai, us ka koi shareek wa saajhi nahin hai, woh hamesha se hai aur hamesha rahega aur Hazrat Muhammad ﷺ Allah ke bande aur Rasool hain aur Qur'aan Majeed Allah Ta'ala ki kitaab hai.

❧ Islaam hamein yeh hukm deta hai ke ham maan baap ke saath achchha sulook karein, bhaai behnon ke saath muil jul kar rahein, rishtedaaron ke saath silah rehmi karein, kisi ka haq na dabaaein, kisi ke saath badsulooki aur badtameezi na karein, badon ki izzat aur chhoton par raham karein, hamesha sach bolein kabhi jhoot na bolein, sab ke saath insaaf ka muaamla karein, kisi par zulm na karein, padosiyon aur hamsaayon ke saath achchha bartaao karein, koi beemar ho jaaye to us ki ayaadat ke liye jaayein, dil mein keena na rakhein, kisi ki geebat na karein, doosron ke saath bhi khair khwaahi ka muaamla karein, kisi ke haq mein bura na chaahein, halaal rozi kamaayein aur haraam kamaai se bachein, zabaan se bhali baatein hi nikaalein aur gaali galoch aur buri baaton se parhez karein, kisi se kuchh waada karein, to us ko poora karein, kisi ka maal chheen kar lena, chori karna, ya kisi ka haq daba lena bade gunaah ka kaam hai, sharaab peena juwa khelna, soodi len den karna bhi naajaaiz aur haraam hai, in sab se bachte rahein.

  (..Next - 18, Soon In Sha Allah..)

   *✍🏻 Ref:* Deeniyat Course book

     *Update App​​​​* goo.gl/SB46QM
❂〰✸〰✸〰✸〰✸〰✸〰❂