Aasaan Deen Part 24

✾✵✾

       *︽︿︽︿︽︿︽︿︽︿︽︿︽*
         *Bismillahirrahmanirrahim*
       *︾﹀︾﹀︾﹀︾﹀︾﹀︾﹀︾*
              *︵︷︵︷︵︷︵︷︵*
             *❀  Aasaan Deen  ❀*
              *︶︸︶︸︶︸︶︸︶*
                   *❥ Part - 24 ❥*
❂〰✸〰✸〰✸〰✸〰✸〰❂

*(10)➾ Jhoot ka wabaal*

❧ Jo baat jaisi ho usi tarah bayaan kar dena "Sachchaai" hai aur us ke khilaaf bayaan karna "Jhoot" kehlaata hai. Jhoot bolna intehaai bura fel hai, Islaam is ko bilkul pasand nahin karta, is ka shumaar bade gunaahon mein hota hai. Jhoot bolne mein duniya aur aakhirat donon ka nuqsaan hai. Yeh insaanon ko halaak kar deta hai, jhoota aadmi logon ki nazron se girjaata hai aur us par se logon ka etemaad khatm ho jaata hai aur jhoot bolne se barkat uthh jaati hai. Allah Ta'ala jhoote logon ko sakht saza deinge.

❧ Huzoor ﷺ ek martaba apne ek khwaab ka zikr kiya jis mein jhoote aadmi par hone waale azaab ka zikr karte huwe farmaaya: Phir ham aise shakhs ke paas pahonche jo leta huwa tha aur us ke sar ki taraf ek aur shakhs tha, jo lohe ki kainchi se us ke jabde aur aankhein guddi tak kat raha tha. Jab ek taraf kaat leta, to doosri taraf kaat'ta tha, abhi ek taraf poori taur par kaat bhi nahin paata ke doosri taraf sahi ho jaata. Main ne (apne saath maujood 2 farishton se) poochha: Yeh kaon hain? Unhon ne bataaya ke yeh shakhs jhoot bolta tha (usi ki saza di jaarahi hai) Is ke saath qayaamat tak yahi muaamla hota rahega.

📓 [Sahih Bukhaari: 1386]

  (..Next - 25, Soon In Sha Allah..)

   *✍🏻 Ref:* Deeniyat Course book

     *Update App​​​​* goo.gl/SB46QM
  www.aasaandeen.blogspot.com
❂〰✸〰✸〰✸〰✸〰✸〰❂