Aasaan Deen Part 40

✾✵✾

       *︽︿︽︿︽︿︽︿︽︿︽︿︽*
         *Bismillahirrahmanirrahim*
       *︾﹀︾﹀︾﹀︾﹀︾﹀︾﹀︾*
              *︵︷︵︷︵︷︵︷︵*
             *❀  Aasaan Deen  ❀*
              *︶︸︶︸︶︸︶︸︶*
                   *❥ Part - 40 ❥*
❂〰✸〰✸〰✸〰✸〰✸〰❂

*​​​​​​​(17)➾ Sunnat par amal karna*

❧ Insaan ki sab se badi khush naseebi yeh hai ke woh apni poori zindagi ko Allah ke Rasool Hazrat Muhammad ﷺ ke tareeqe ke mutaabiq guzaare, jo shakhs Aap ﷺ ki sunnat par amal karta hai, Allah Ta'ala us se khush hote hain. Sunnat ke mutaabiq apni poori zindagi guzaarne ka ek bahot bada faaida yeh hota hai ke Jannat mein ham ko hamaare Nabi Hazrat Muhammad ﷺ ke saath rehna naseeb hoga. Aap ﷺ ne irshaad farmaaya: *“Man ahyaa sunnatee faqad ahabbanee wa man ahabbanee kaana ma’ee filjannah."*

*❧ Tarjama:* Jis shakhs ne meri sunnat ko zinda kiya (yaani us par amal kiya aur logon mein us ko raaij kiya) us ne mujh se muhabbat ki aur jis ne mujh se muhabbat ki, woh mere saath Jannat mein hoga.

📓 [Tirmizi: 2678]

❧ Sahaaba-e-Kiraam RaziyAllahu Anhum Aap ﷺ ki ek ek sunnat par paabandi se amal kiya karte the, kisi bhi haal mein kisi bhi sunnat ko chhodna unhein hargiz gawaara nahin tha. Jaahiliyat mein log apne izaar ko takhne se neeche latka kar chalte the aur is ke zariye apni badaai zaahir kiya karte the, Huzoor ﷺ ne is bure fel se mana farma diya aur takhne se oopar izaar rakhne ka hukm diya. Sahaaba-e-Kiraam RaziyAllahu Anhum is par sakhti se amal karte the.

  (..Next - 41, Soon In Sha Allah..)

   *✍🏻 Ref:* Deeniyat Course book

   *Download App​​​​* Goo.gl/SB46QM
  *www.aasaandeen.blogspot.com*
❂〰✸〰✸〰✸〰✸〰✸〰❂