Aasaan Deen Part 44

✾✵✾

       *︽︿︽︿︽︿︽︿︽︿︽︿︽*
         *Bismillahirrahmanirrahim*
       *︾﹀︾﹀︾﹀︾﹀︾﹀︾﹀︾*
              *︵︷︵︷︵︷︵︷︵*
             *❀  Aasaan Deen  ❀*
              *︶︸︶︸︶︸︶︸︶*
                   *❥ Part - 44 ❥*
❂〰✸〰✸〰✸〰✸〰✸〰❂

*​​​​​​​​​(19)➾ Hijri taareekh ki ahmiyat*

❧ Aam taur par do qism ke calender istemaal kiye jaate hain:
(1) Hijri
(2) Eiswi.

❧ Eiswi taareekh ki ibtida Hazrat Eisa Alaihissalam ki paidaaish se hoti hai na ke wafaat se, kyun ke un ki wafaat nahin hui balke Allah Ta'ala ne un ko aasmaan par zinda uthha liya hai, qayaamat ke qareeb woh logon ki hidaayat wa rehnumaai ke liye aasmaan se utreinge, hamaare Nabi ﷺ ki shariat par khud bhi amal kareinge aur logon ko bhi us par amal karaaeinge.

❧ Aur Hijri taareekh ki ibtida hamaare pyaare Nabi ﷺ ki hijrat se hoti hai, hijri taareekh baazaabta taur par Hazrat Umar RaziyAllahu Anhu ne naafiz farmaaya, jab un ke paas kuchh khutoot aaye aur un ko taareekh ke etebaar se rakhne ki zaroorat pesh aayi, to Hazrat Umar RaziyAllahu Anhu ne Sahaaba-e-Kiraam RaziyAllahu Anhum se is silsile mein mashwara kiya ke Islaami taareekh ki ibtida kab se honi chaahiye, logon ne kai tarah ki raaye di, Hazrat Ali RaziyAllahu Anhu ne yeh raaye di ke Islaami taareekh ka aagaaz hijrat se hona chaahiye. Isi ko sab ne pasand kiya aur isi par sab ka ittefaaq ho gaya aur hijrat se hi Islaami taareekh ki ibtida hui.

  (..Next - 45, Soon In Sha Allah..)

   *✍🏻 Ref:* Deeniyat Course book

   *Download App​​​​* Goo.gl/SB46QM
  *www.aasaandeen.blogspot.com*
❂〰✸〰✸〰✸〰✸〰✸〰❂