Aasaan Deen Part 42

✾✵✾

       *︽︿︽︿︽︿︽︿︽︿︽︿︽*
         *Bismillahirrahmanirrahim*
       *︾﹀︾﹀︾﹀︾﹀︾﹀︾﹀︾*
              *︵︷︵︷︵︷︵︷︵*
             *❀  Aasaan Deen  ❀*
              *︶︸︶︸︶︸︶︸︶*
                   *❥ Part - 42 ❥*
❂〰✸〰✸〰✸〰✸〰✸〰❂

*​​​​​​​​(18)➾ Saamaan ka aib na chhupaana*

❧ Insaan ko zindagi mein rozmarrah jin kaamon se waasta padta hai un mein ek bahot hi ahem kaam khareedna bechna bhi hai. Isi se zindagi ki gaadi chalti hai. Bazaahir yeh ek dunyawi kaam hai aur ek insaani zaroorat hai. Magar is kaam ko anjaam dene mein agar Allah ke hukmon ka khayaal aur Rasoolullah ﷺ ki roshan hidaayaat ki paasdaari ki jaaye to yeh dunyawi zaroorat ibaadat ban jaayegi aur ibaadat bhi us aala darje ki ke aadmi ko Ambiya, Shohada aur Siddeeqeen ke darje wa maqaam tak pahoncha de, chunaanche Rasoolullah ﷺ ka irshaad hai: Poori sachchaai aur imaandaari ke saath kaarobaar karne waala taajir Nabiyon, Siddeeqon aur Shohada ke saath hoga.

📓 [Tirmizi: 1209]

❧ Khareed-o-farokht mein taajir ke liye imtehaan ka marhala yeh hota hai ke woh saamaan bech raha hota hai us mein basa auqaat aib aur nuqs hota hai aur us aib ki wajah se us ki qeemat kuchh ghat jaati hai. Aise waqt mein ek taajir ki zimmedaari hai ke bechte waqt saamaan ke aib ko zaahir kar de aur khareedne waale ko bata de ke is mein yeh nuqs wa kami hai, is mein bazaahir nuqsaan nazar aayega, lekin haqeeqat mein duniya wa aakhirat ka nafa isi mein posheeda hai, is tarah karne se kaarobaar mein bhi barkat hogi aur Allah ki naaraazgi se bach jaayega kyun ke Rasoolullah ﷺ ka irshaad hai ke jis shakhs ne koi aib waali cheez kisi ke haath farokht ki aur khareedaar ko woh aib batla nahin diya to us par hamesha Allah ka gazab rahega. Aur Allah ke farishte hamesha us par laanat karte raheinge.

📓 [Ibne Maaja: 2247]

  (..Next - 43, Soon In Sha Allah..)

   *✍🏻 Ref:* Deeniyat Course book

   *Download App​​​​* Goo.gl/SB46QM
  *www.aasaandeen.blogspot.com*
❂〰✸〰✸〰✸〰✸〰✸〰❂