Aasaan Deen Part 107

✾✵✾

       *︽︿︽︿︽︿︽︿︽︿︽︿︽*
         *Bismillahirrahmanirrahim*
       *︾﹀︾﹀︾﹀︾﹀︾﹀︾﹀︾*
              *︵︷︵︷︵︷︵︷︵*
             *❀  Aasaan Deen  ❀*
              *︶︸︶︸︶︸︶︸︶*
                  *❥ Part - 107 ❥*
❂〰✸〰✸〰✸〰✸〰✸〰❂​​​​​​​​​​

❧ Hadees ki kitaabon mein yeh waaqia likha hai ke ek martaba Umme Khallaad naami ek aurat ka ladka jang mein shaheed ho gaya, woh us ke mutaalliq daryaaft karne ke liye Huzoor ﷺ ke paas naqaab pahen kar aayeen, baaz sahaaba RaziyAllahu anhum ne hairat ke saath kaha: Aise waqt mein bhi tumhaare chehre par naqaab hai? Yaani bete ki shahaadat ki khabar sun kar to maan ka hosh-o-hawaas gum ho jaata hai, aur tum to itmenaan ke saath parde mein aayi ho, Umme Khallaad ne bahot hi achchha jawaab diya, unhon ne kaha: Main ne beta khoya hai, sharm-o-haya nahin khoi hai.

📓 [Abu Daawood: 2488]

❧ Haqeeqat yeh hai ke parde ke baare mein Mazhab-e-Islaam ne jo ahkaam bataaye hain aur jin ko ikhtiyaar karne ki taakeed ki hai, bunyaadi taur par un ke teen ahem maqaasid hain: Pehla yeh ke aurton aur mardon ke akhlaaq ki hifaazat ki jaaye aur un buraaiyon ka darwaazah bilkul band kar diya jaaye, jo be pardagi ki wajah se paida ho sakti hain, doosra yeh ke mardon aur aurton ke kaam kaaj ka daaira alag alag ho, taake aurton ke zimme jo kaam hain un ko woh yaksooi ke saath poora kar sakein, aur jo kaam mardon ke hawaale hain, un ko woh aaraam se nibha sakein, teesra yeh ke ghar aur khaandaan ke nizaam ko mazboot aur mahfooz kiya jaaye, yeh woh maqaasid hai jo Islaam ke ahkaam par amal kiye bagair haasil nahin ho sakte hain. Yeh Islaam ki khoobiyon mein se hai ke woh aurton ko mukammal huqooq bhi deta hai aur is ke saath hi ghar aur khaandaan ke maahol aur us ke nizaam ko misaali banaana chaahta hai.

(..Next - 108, Soon In Sha Allah..)

   *✍🏻 Ref:* Deeniyat Course book

❂〰✸〰✸〰✸〰✸〰✸〰❂