Aasaan Deen Part 91

✾✵✾

       *︽︿︽︿︽︿︽︿︽︿︽︿︽*
         *Bismillahirrahmanirrahim*
       *︾﹀︾﹀︾﹀︾﹀︾﹀︾﹀︾*
              *︵︷︵︷︵︷︵︷︵*
             *❀  Aasaan Deen  ❀*
              *︶︸︶︸︶︸︶︸︶*
                   *❥ Part - 91 ❥*
❂〰✸〰✸〰✸〰✸〰✸〰❂​​​​​​​​​​

*​(41)➾ Kaamil Imaan ki pehchaan*

❧ Sayyadna Hazrat Muhammad ﷺ ko Rasool maanna juz wa Imaan hai, lihaaza Huzur ﷺ ki risaalat ka iqraar kar lene ke baad Sarkaare do aalam ﷺ ke bataaye huwe Tarz-e-Zindagi ko ikhtiyaar karna zaroori hojaata hai, Aap ﷺ ne jis cheez ka hukm diya hai, us par amal karna zaroori hai dil chaahe ya na chaahe aur Aap ﷺ ne jis cheez se roka hai us ka tark karna zaroori hojaata hai, agarche us ka chhoona nafs ke taqaaze ke khilaaf ho, nafs ki chaahat ko Huzoor ﷺ ke aqwaal wa afaal ke taabe kar dena har momin ka fareeza hai, aur yahi ek Imaan waale ki shaan aur pehchaan hai.

❧ Hazrat Ubaadah Bin Saamit RaziyAllahu anhu farmaate hain ke ham ne Rasoolullah ﷺ se is baat par bai'at ki ke Aap ﷺ ki baaton ko sunenge aur Aap ﷺ ke hukm ko maanenge, chaahe khushi ka mauqa ho ya gam ka, khwaah hamaara dil chaahe khwaah na chaahe.

📓 [Sahih Bukhaari: 7199]

❧ Neez Hazrat Abdullah Bin Umar RaziyAllahu anhu se riwaayat hai ke Huzoore Aqdas ﷺ ne irshaad farmaaya ke tum mein se koi shakhs us waqt tak kaamil momin nahin ho sakta jab tak ke us ki khwaahish mere laaye huwe tareeqe ke taabe na hojaaye.

📓 [Sharhus Sunnati Lilbagwi: 14]

❧ Lihaaza zindagi ke tamaam shobon mein Aap ﷺ ka ittiba laazim hai aur jo bande Allah ke Rasool ﷺ se sachchi aur pakki muhabbat rakhte hain. Woh Aap ﷺ ki har baat aur har hukm par dil-o-jaan se amal karna apna fareeza samajhte hain.

  (..Next - 92, Soon In Sha Allah..)

   *✍🏻 Ref:* Deeniyat Course book

 
❂〰✸〰✸〰✸〰✸〰✸〰❂