Aasaan Deen Part 97

✾✵✾

       *︽︿︽︿︽︿︽︿︽︿︽︿︽*
         *Bismillahirrahmanirrahim*
       *︾﹀︾﹀︾﹀︾﹀︾﹀︾﹀︾*
              *︵︷︵︷︵︷︵︷︵*
             *❀  Aasaan Deen  ❀*
              *︶︸︶︸︶︸︶︸︶*
                   *❥ Part - 97 ❥*
❂〰✸〰✸〰✸〰✸〰✸〰❂​​​​​​​​​​

*​(45)➾ Aap ﷺ ki muhabbat wa itaa'at*

❧ Hazrat Muhammad ﷺ ki muhabbat wa itaa'at hamaare Imaan ka hissa hai, jo shakhs Aap ﷺ se muhabbat aur us ke taqaazon ko poora na kare to us ka Imaan adhoora aur naaqis hai, isi liye Huzoor ﷺ ka irshaad hai: tum mein se koi us waqt tak kaamil momin nahin ho sakta jab tak ke main us ke maan baap, aulaad aur tamaam logon se ziyaada mahboob na ho jaaoon.

📓 [Sahih Bukhaari: 15]

❧ Lihaaza hamein Huzoor ﷺ se khoob muhabbat karni chaahiye, magar yaad rahe ke muhabbat sirf zabaan se mehboob ki tareef karne ka hi naam nahin hai balke mehboob ki itaa'at wa farmaa bardaari, us ki pasand aur naapasand ka khayaal rakhna bhi muhabbat ke usoolon mein se hai is liye hamein Aap ﷺ ki taareef mein khoob naat padhni chaahiye aur durood shareef ka bhi ehtemaam karna chaahiye, saath saath Huzoor ﷺ ki sifaat wa aadaat maaloom karke apni zindagi mein laana chaahiye.

❧ Jaise maaloom karein ke Huzoor ﷺ ka libaas kaisa tha. Phir aap waisa hi libaas pahenne ki koshish karein. Phir maaloon karein ke Huzoor ﷺ ko khaane mein kya pasand tha aur Aap kis tarah khaana tanaawul farmaate the phir Aap bhi waisa hi tareeqa ikhtiyaar karein. Isi tarah Aap ﷺ ke paakeezah akhlaaq jaise amaanatdaari, sakhaawat, sachchaai, waada wafaai aur rahemdili wagaira ko apnaane ki koshish karein, is ke liye Allah Ta'ala se duaaein maange, insha Allah is se hamaari zindagi mein sukoon, muaashare mein aman paida hoga, Allah Ta'ala ham ko apna mehboob bana leinge aur tamaam gunaahon ki bakhshish farma deinge.

  (..Next - 98, Soon In Sha Allah..)

   *✍🏻 Ref:* Deeniyat Course book
❂〰✸〰✸〰✸〰✸〰✸〰❂