Aasaan Deen Part 88

✾✵✾

       *︽︿︽︿︽︿︽︿︽︿︽︿︽*
         *Bismillahirrahmanirrahim*
       *︾﹀︾﹀︾﹀︾﹀︾﹀︾﹀︾*
              *︵︷︵︷︵︷︵︷︵*
             *❀  Aasaan Deen  ❀*
              *︶︸︶︸︶︸︶︸︶*
                   *❥ Part - 88 ❥*
❂〰✸〰✸〰✸〰✸〰✸〰❂​​​​​​​​​​

*​(39)➾ Islaami tehwaar*

❧ Har qaum mein khushi manaane ke liye koi na koi din muqarrar hota hai, jis mein log jama ho kar khushi manaate hain, yeh ek insaani fitrat hai, Deen-e-Islaam ne is ka bhi khayaal rakha hai aur khushi ke 2 din mutayyan kiye hain: Ek Eidul Fitr ka, doosre Eidul Azha ka. Hazrat Anas RaziyAllahu anhu se riwaayat hai ke Rasoolullah ﷺ Makkah se hijrat farma kar Madeenah tashreef laaye, to Madeenah waale 2 tehwaar manaaya karte the aur un mein khel tamaasha kiya karte the, Rasoolullah ﷺ ne farmaaya: Yeh 2 din kya hain? Unhon ne arz kiya: Ham jaahiliyat mein yeh tehwaar isi tarah manaaya karte the. Huzoor ﷺ ne farmaaya: Allah Ta'ala ne in 2 tehwaaron ke badle mein, in se behtar 2 din tumhaare liye muqarrar kar diye hain ek Eidul Azha ka din doosre Eidul Fitr ka din.

📓 [Abu Daawood: 1134]

❧ Is se maaloom huwa ke musalmaanon ke qaumi aur mazhabi tehwaaron ke liye sirf yahi 2 din hain, yahi Islaami tehwaar hai, sirf in hi dinon mein khushi manaane ki ijaazat hai, in donon ke alaawa kisi aur din ko Eid ke taur par nahin manaana chahiye, neez kisi ke aise jashn mein shareek bhi nahin hona chaahiye, jis mein Deen ke khilaaf baatein hoti hon, mushrikaana aamaal kiye jaate hon, gunaahon ke kam aur Allah Ta'ala ki naafarmaani ki jaati ho, kiyun ke aise tehwaar aur jashn mein shareek hona Allah aur pyaare Nabi ﷺ ki naaraazgi ka sabab hai aur duniya wa aakhirat mein nuqsaan ka zariya hai.

  (..Next - 89, Soon In Sha Allah..)

   *✍🏻 Ref:* Deeniyat Course book

    Islamicgrp.weebly.com
❂〰✸〰✸〰✸〰✸〰✸〰❂