Aasaan Deen Part 98

✾✵✾

       *︽︿︽︿︽︿︽︿︽︿︽︿︽*
         *Bismillahirrahmanirrahim*
       *︾﹀︾﹀︾﹀︾﹀︾﹀︾﹀︾*
              *︵︷︵︷︵︷︵︷︵*
             *❀  Aasaan Deen  ❀*
              *︶︸︶︸︶︸︶︸︶*
                   *❥ Part - 98 ❥*
❂〰✸〰✸〰✸〰✸〰✸〰❂​​​​​​​​​​

*​(46)➾ Miswaak ke fawaaid*

❧ Tahaarat wa nizaafat ke silsile mein Huzoor ﷺ ne jin cheezon par khaas taur se zor diya hai aur jis ki badi taakeed farmaai hai, un mein miswak bhi hai, miswaak karne ko Huzoor ﷺ ne Ambiya-e-Kiraam ki sunnat aur fitrat ka taqaaza bataaya hai. Aap ﷺ ka irshaad hai: chaar cheezein ambiya ki sunnaton mein se hai: Sharm-o-Haya, khushbu lagaana, miswaak karna aur nikaah karna.

📓 [Tirmizi: 1080]

❧ Miswaak mein duniya aur aakhirat donon ki bhalaai hai, is se munh ki safaai hoti hai, bu zaail hoti hai aur nuqsaan pohnchaane waale maadde khaarij hote hain, yeh is ke naqad dunyawi faaide hain. Aur is ka ukhrawi faaida yeh hai ke Huzoor ﷺ ki ek mehboob sunnat par amal hojaata hai aur yeh Allah Ta'ala ki khushnoodi aur raza haasil hone ka zariya hai. Huzoor ﷺ ne farmaaya: Miswaak munh ko bahot ziyaada saaf karne waali aur Allah Ta'ala ko bahot ziyaada khush karne waali cheez hai.

📓 [Nasai: 5]

❧ Ham logon ko miswaak ka khoob ehtemaam karna chaahiye, wuzu karte waqt, Qur'aan Majeed ki tilaawat ke liye aur neend se bedaar hone ke baad miswaak karna chaahiye, yeh ek aisa amal hai, jis mein koi mehnat wa mashaqqat nahin hai, aur is ke zariye dunyawi faaide haasil hone ke saath saath Huzoor ﷺ ki ek mehboob sunnat par amal hojaata hai aur nekiyon mein musalsal izaafa hota chala jaata hai.

  (..Next - 99, Soon In Sha Allah..)

   *✍🏻 Ref:* Deeniyat Course book

 
❂〰✸〰✸〰✸〰✸〰✸〰❂