Aasaan Deen Part 108

✾✵✾

       *︽︿︽︿︽︿︽︿︽︿︽︿︽*
         *Bismillahirrahmanirrahim*
       *︾﹀︾﹀︾﹀︾﹀︾﹀︾﹀︾*
              *︵︷︵︷︵︷︵︷︵*
             *❀  Aasaan Deen  ❀*
              *︶︸︶︸︶︸︶︸︶*
                  *❥ Part - 108 ❥*
❂〰✸〰✸〰✸〰✸〰✸〰❂​​​​​​​​​​

*​​(51)➾ Aurtein kaisa zewar pehnein*

❧ Islaam ne aurton ko zaib-o-zeenat ikhtiyaar karne aur is maqsad se zewraat pahenne ki ijaazat di hai albatta is silsile mein chand baaton ka khayaal rakhna zaroori hai. Unhin mein se ek yeh hai ke zewar bajne waala na hona chaahiye. Jo zewar bajne waala ho us ko istemaal nahin karna chaahiye, kyun ke is tarah ke zewraat ko pahenne se mana kiya gaya hai.

❧ Hazrat Bunaana se riwaayat hai. Woh Hazrat Aaisha RaziyAllahu anha ke paas haazir theen, itne mein ek aurat ek ladki ko lekar Hazrat Aaisha RaziyAllahu anha ke paas andar aane lagi, woh ladki jaanjh (ghungru) pahene huwi thi, Hazrat Aaisha RaziyAllahu anha ne farmaaya: Jab tak is ke jaanjh na nikaale jaayein, ise hargiz mere paas na laana. Main ne Rasoolullah ﷺ ko farmaate huwe suna hai ke jis ghar mein ghanti ho us mein (rahmat ke) farishte daakhil nahin hote.

📓 [Abu Dawood: 4231]

❧ Ek doosri hadees mein Aap ﷺ ne farmaaya ke har ghanti ke saath shaitaan hota hai.

❧ In ahadees se maaloom huwa ke bajne waala zewar, ghungru aur ghantiyaan shaitaan ko pasand hain aur yeh shaitaan ke baaje hain, jab un se aawaaz nikalti hai to woh khush hota hai aur jis jagah par aisi cheezein hoti hain wahaan rahmat ke farishte daakhil nahin hote. Is liye aurton ko bajne waala zewar istemaal karne se bachna chaahiye.

(..Next - 109, Soon In Sha Allah..)

   *✍🏻 Ref:* Deeniyat Course book

 
❂〰✸〰✸〰✸〰✸〰✸〰❂