Aasaan Deen Part 84

✾✵✾

       *︽︿︽︿︽︿︽︿︽︿︽︿︽*
         *Bismillahirrahmanirrahim*
       *︾﹀︾﹀︾﹀︾﹀︾﹀︾﹀︾*
              *︵︷︵︷︵︷︵︷︵*
             *❀  Aasaan Deen  ❀*
              *︶︸︶︸︶︸︶︸︶*
                   *❥ Part - 84 ❥*
❂〰✸〰✸〰✸〰✸〰✸〰❂​​​​​​​​​​

*​(37)➾ Durood Shareef padhna*

❧ Durood Shareef dar asl ek dua hai, jo bande Rasool ﷺ ke haq mein Allah Ta'ala se karte hain. Yeh haqeeqat hai ke Allah Ta'ala ke baad ham par sab se ziyaada ehsaan Rasoolullah ﷺ ka hai. Aap ﷺ ne sakht museebatein bardaasht kar ke hamaari taraf seedhe raaste ki rehnumaai ki aur Allah Ta'ala ki hidaayat bandon tak pohnchaai, agar Aap ﷺ is tarah takleefein na uthhaate, to hidaayat ki roshni ham logon tak nahin pahonch sakti aur aaj ham ek Allah ki ibaadat karne ke bajaaye kufr-o-shirk aur gumraahi mein bhatakte rehte.

❧ Algarz hamein Imaan ki jo sab se badi daulat aur hidaayat ki sab se badi nemat haasil hui hai, woh Huzoor ﷺ ke tufail hi mein mili hai, is liye Allah Ta'ala ke baad Aap ﷺ hamaare sab se bade mohsin hain. Hamein is ehsaan ka shukriya ada karna chaahiye aur Aap ﷺ ke haq mein duaaein karni chaahiye ke Allah Ta'ala Aap ﷺ ko apni khaas rahmaton aur barkaton se nawaaze aur Aap ﷺ ke darje ziyaada se ziyaada buland kare aur isi qism ki dua ko “Durood” kehte hain.

  (..Next - 85, Soon In Sha Allah..)

   *✍🏻 Ref:* Deeniyat Course book

  Islamicgrp.weebly.com
❂〰✸〰✸〰✸〰✸〰✸〰❂