Aasaan Deen Part 95

✾✵✾

       *︽︿︽︿︽︿︽︿︽︿︽︿︽*
         *Bismillahirrahmanirrahim*
       *︾﹀︾﹀︾﹀︾﹀︾﹀︾﹀︾*
              *︵︷︵︷︵︷︵︷︵*
             *❀  Aasaan Deen  ❀*
              *︶︸︶︸︶︸︶︸︶*
                   *❥ Part - 95 ❥*
❂〰✸〰✸〰✸〰✸〰✸〰❂​​​​​​​​​​

*​(44)➾ TV ke nuqsaanaat*

❧ Islaam bahot paakeezah aur achchha mazhab hai, yeh hamein tamaam buraaiyon se rokta hai aur har us cheez ke karne se mana karta hai, jis ka karna gunaah aur jis mein hamaara nuqsaan hai. "TV" ka dekhna bhi bahot bada gunaah hai. Is mein duniya ka bhi nuqsaan hai aur aakhirat ka bhi, is ko dekhne se nigaah kamzor hoti hai, akhlaaq wa aadaat kharaab ho jaate hain, ghar se barkat khatm hojaati hai, rehmat ke farishte chale jaate hain aur shayaateen ghar mein aajaate hain.

❧ TV Allah Ta'ala ki yaad se gaafil kar deti hai aur insaan aakhirat ko bhool jaata hai aur jo cheez Allah ki yaad se gaafil karne waali ho aur aakhirat ko bhula dene waali ho, us se har insaan ko bachna chaahiye.

❧ Allah Ta'ala Qur'aan mein farmaate hain: Aur baaz aadmi aise hain, jo in baaton ki khareedaari karte hain, jo gaafil karne waali hain, taake Allah ke raaste se besoche samjhe hataadein aur us ki hansi udaaein, aise logon ke liye zillat wa ruswaai ka azaab hai.

📓 [Sura-e-Luqmaan: 6]

  (..Next - 96, Soon In Sha Allah..)

   *✍🏻 Ref:* Deeniyat Course book

❂〰✸〰✸〰✸〰✸〰✸〰❂